मिथिला स्टूडेंट यूनियन केर दिल्ली इकाई अपन विभिन्न मांग के लं कं आगामी 24 जुलाई कं शुक्रदिन भोरे 10 बजे जंतर मंतर पर विशाल धरना प्रदर्शन कर जा रहल अछि। अई बात के जानकारी दैएत यूनियन के दिल्ली प्रभारी अरविन्द कुमार मिश्र बतेला जे मिथिला स्टूडेंट यूनियन दरभंगा , सहरसा और पूर्णिया के स्मार्ट सिटी में शामिल करं, दरभंगा में आईटी पार्क केर स्थापना, मधुबनी में केन्द्रीय विद्यालय केर स्थापना, मिथिला में AIIMS केर स्थापना, दरभंगा में इंटरनेशनल एयरपोर्ट केर स्थापना, मिथिला क्षेत्र के बंद कल कारखाने केर चालू करनाई, मिथिला केर लोग के रोजगार उपलब्ध करेंनाई, दरभंगा में IIIT केर स्थापना करेंनाई, योगगुरु धीरेन्द्र ब्रह्मचारी के उचित सम्मान दिएनाई, डी डी मैथिली केर स्थापना, CTET में मैथिली भाषा केर शामिल करनाई, मैथिली भाषा के प्राथमिक शिक्षा में शामिल केनाई,माँ जानकी केर जन्मस्थली सीतामढी के पर्यटन के रुप में मानचित्र में शामिल केनाइ जेहन मुख्य मांगक साथ जंतर-मंतर पर आंदोलन करताह। आंदोलन में भाग लेब के लेल मिथिला क्षेत्र के विभिन्न संगठन अपनी सहभागिता दर्ज करेताह। आंदोलन के तेज करबाक लेल यूनियन केर कार्यकर्त्ता जोर-शोर सं लोग के अई सं जोड़ आ आमंत्रित करं के काज कं रहल छैथ। उम्मीद अई जे आगामी 24 जुलाई कं मिथिला आंदोलन के इतिहास में ई सबसं बड़का आंदोलन साबित होयत।